اهلى ... اهلى
الواحد قام الصبح بدرى واعد يجهز فى هدومه الحمرا طبعا ولبس ولغبط وشو بشويه الوان واشترينا اعلام وروحنا من الضهر الاستادعشان نلحق طبعا واعدنا نشجع ونشجع ونقول باعلى صوت اهلى اهلى ونطبل نزغرط ولا كأنه فرح بنت اختى
المهم المتش ابتدى وجه النجم ادانا تلات ضربات خلونا اتصدمنا واتكتمنا
اعدنا مكنا مسهمين وبعد الماتش ماخلص والناس مشيو واحنا برضه اعدين متنحين بكل معنى الكلمه والامن جالنا يوقلنا يلا خلاص واحنا نقول لا ملناش دعوه مش هانقوم احنا عايزين نكسب يولاد الحلا ل خلاص لا مش هانقوم مش هانقوم والجلاله خدتنا تانى فى التشجيع والهتاف وطبعا خدنا شلوت فى الاخر واطردنا
طبعا بعد كل ده صوتنا راح وبقينا من ذوات الاحبال الصوته المتهتكه المتهربده
وروحنا البيت من التعب ضربنا غطس فى السرير ونمنااااااااااااااااااااااااا
يعنى منبناش غير التعب والبهدله حرقه الدم
( ده كله كان كلام من بؤ اهلاويه متعصبه قابلتها بعد الماتش وسئلتها سؤال برئ هو ايه اللى حصل؟؟ احنا كسبنا ولا خسرنا وقالتلى بالفوم المليان احنا اتوكسناوبعدين اعدت تحكيلى السابق شرحه اعلاه)
4 comments:
يعنى هو احنا لازم نكسب محنا بنخسر علطول وبنتفضح قدام العالم
المهم انتى دمك خفيف وعسل
مكن نبقى صحاب
اهلاوية سابقة
اللي يضايق بجد,,,عيل زمالكاوي مقابلني يقولي "علي فكرة انا شجعت النجم وهو يستاهل يكسب الماتش" مش بالزمه حاجه تخنق وتخليك عايز طاخ طوخ طيخ في الواد ده
بصراحه يا جماعه الخساره وحشه,,,ربنا يكون في عون الزملكاويه
لا يادودو احنا مش بنخسر على طول ولا حاجه احنا بنكسب بس امبارح دمى اتحرق اوى اوى بجد وميرسى على كلامك الحلو ده واكيد ممكن نبقى اصحاب
لا من حقك ياعبد الرحمن طاخ طوخ طيخ بجد
Post a Comment