الحقنى الحقنى يابن الجنى
مش انا اللى بقول كده ياعم انت وهو ده عم محمد صبحى فى مسرحيه تخاريف
طبعا طبعا طبعا كلنا اتفرجنا عليها انا بموت فى المسرحيه دى
واكتر حته بحبها اوى فيها لما يكون فى امنيه السلطه ويحكم الشعب ويتكلم فى التلفزيون ويقولهم (وله ياشعبى)؟
المهم وانا اعده بتفرج من كام يوم على روتانا (اه عندى دش)على المسرحيه اعدت اتخيل لو الجنى ده طلعلى
انا اول حاجه هعملها هايغمى عليا لان شكله وحش جدا فى المسرحيه
بس تخيلت هاطلب ايه منه لو انا فى المسرحيه دى هاتمنى ابقى مكان انهى واحد فيهم
اللى عايز
فلوس
ولا القوه
ولا السلطه
ولا الشعاااااااااااااااااع اصدى الوسامه والجاذبيه
ولا الشخصيه القويه ويبقى نصى راجل ونصى ست
ولقيت انى هاطلب منه
الشخصيه القويه بس بلاش حكايه نصى راجل ونصى ست دى صعبه شويه
وانتو بقى هاتطلبو انهى امنيه فيهم ؟؟؟؟؟؟؟؟؟
ده كان موضوع كتبته زمان فى منتدى كنت بحبه برضه زمان وكنت بكتب فيه
المهم قلت اجيبه هنا بس حبيت اغير حاجه فيه انى مبقتش عايزه الشخصيه القويه لانى قويت شخصيتى(لا مخلتهاش تشيل حديد يالذيذ انت وهو)؟؟
انا زادت ثقتى فى نفسى وشخصيتى الحمد لله كتير اوى عن الاول بس مش الجنى اللى عمل كده فيا لا انا اللى عملت كده
لو جالى بقى الجنى دلوقتى انا هاطلب منه الشعاااااااااااااااع اصلى زهقت بقى وعايزه اتجوز والواحد محتاج لتغيير برضه
محدش عنده عريس؟؟ بدل مانحتاج للجنى ونتعب الاخ معانا؟؟؟
واى حد يقرا الموضوع ده عايزه اعرف منه هو نفسه يبقى ايه وليييييه(غتاته بقى)؟؟؟؟؟
9 comments:
عوده حميده الى التدوين
وقبل ما اعلق واقول عايز ابقى انهى شخصية كويس اوى انك شخصيتك اتغيرت واصبحت اقوى من الأول لأن لابد للأنسان ان يكمل الجوانب الأيجابيه فى شخصيته
ثانبا : للأسف ولا شخصيه تتناسب مع ما احلم او افكر فيه لأنها جميعا خيارات غير مكتمله ولكن الشخصية التى اريدها شخصية محبوبه مؤثره فى من حولها عندها القدره على تغير العالم الذى تحياه ولا تستسلم ابد للواقع وتحقق ما تريد بعون الله وفضله
هههههههههه
عسل عسل عسل
أولا : كل سنة وانتى طيبة بمناسبة الخمسميت عيد اللى مروا علينا
السنة الميلادية الجديدة
السنة الهجرية الجديدة
وكل يوم بندخل فيه مدونتك بيبقى عيد
ثانيا بقى
ايه الجمال ده
اسلوبك حلو اوى انا اول مرة اكتشف كدة
وبعدين ايه ياعم الثقة دى ياعم
وعايزة عريس كمان
ماشى ماشى
طب ما تعملى اعلان فى الوسيط احسن هههههههه
(وش مطلع لسانه)
بس بجد اسلوبك رائع
وكل بوست بتكتبيه بيبقى مش عايز تعليق ده بيبقى عايز الواحد يكتب بوست عنه
والله كدة فى موضوعين عايز اكتب بوست رد عليهم
موضوع نفسك فى ايه قبل ما تموت
وموضوع الجنى لو طلع هتطلب منه ايه
بس انا شخصيا لو طلع
اعتقد هطلب منه فلوس كتير
مش طمع
بس لأنى ممكن احقق بيها حاجات كتير تسعد اللى حوليا
لكن طبعا لو جنى فورد وجامد
هطلب منه يصلح حال البلد والدنيا والحروب تقف
بس ما اظنش انه يقدر يعمل كدة لان ده لازم يكون نابع مننا
تحية ليكى يا نونا
Ahmed
ازيك ياابن اسكندريه منور المدونه
ميرسى على ردك ده ويارب تبقى الشخصيه اللى تتمناها بس صدقنى باى شخصيه من الشخصيات دى ممكن تأثر فى اللى حوليك وتبقى محبوب زى منتا عايز المهم انك تعرف تستفيد من شخصيتك كويس
احمد ازيك ياقمر
اولا كل سنه وانت طيب انت كمان على الخمسميت عيد اللى عدو
وميرسى على مجاملتك
ثانيا:
كويس ان البوست عجبكوالله انا اتعلمت التدوين منك فاطبعا لازم يكون اسلوبى حلو زى استاذىولا ايه؟
والحمد لله على الثقه واه عايزه عريس يااحمد عايزه اتجوز
الواحد زهق من الوضع الحالى
ومش هاعمل اعلان فى الوسيط العرسان كتير بس فين النفس(وش متنرفز)اوك
وهاستنى بوستاتك بقى اللى ترد فيها على بوستاتى
بس لما يجيلك الجنى بقى اللى يجبلك الفلوس ابقى افتكرنا
مش هاقولك بالنص بس افتكرنا
بس عارف الجن الفرود الجامد الفتك المتوحش الشرير القوى زى منتا قلت جوانا لو عايز يعمل حاجه هايعملها
ميرسى على مرورك بجد بفرح اوى لما تدخل عندى يااحمد
nonaaa
أول حاجه انت فتافيت سكر
تانى حاجه شكرا للزيارة
تالت حاجه لو طلع لى الجنى كنت هأطلب عروسه
و بما ان الحال من بعضه و انت الكسوف منعك من ارسال السيرة الذاتيه انا جيت بنفسى و كله تمام و اكسبتيد
انا بأهزر
انا سعيد بمدونتك
و يا ريت اكون صديق للبرنامج
تحيات رقيقة
شخصية قوية؟!؟
عندي
فلوس؟!؟!؟
عندي و الحمدلله
سلطة
عندي بس عايزة شوية ملح و خل
بقولك ايه انتي مش عايزة عريس؟!؟
متيجي نضبط الاشعاعات دي بدل ما هيا طالعة على لفاضي كدة
--------------
اسلوبك تحفة يا فتافيت بجد
هتلاقيني انا و شعاعي كل يوم عندك بس على الله ييجي بفايدة
ازيك يابلانك منورنى ياقمر والله انا فرحت خالص ان كله اكسيبتد فى موضوع العروسه يلا بقى لولولولولولولى والله فرحتلى جداااا
ان شاء الله نخليك صديق البرنامج
مع تحيات صاحب البرنامج
ههههههههههههه يااااه شهر عندناا
منورنى والله بس ايه ده كلو ايه دكلو عندك كل حاجه
خلاص خلى شويه الملح الخل بتوع السلطه عليا انا المره دى
وعندك حق الاشعاعات طالعه على الفاضى خالص مش عارفه اعمل بيها حاجه وانا رجلى مكسوره كده
بص انا هاستناك انت والشعاع بتاعك هنا كل يوم عارف لو مجتش هاصدر عليك الشعاع بتاعى
وقد ازعر من انذر
بصي يا ستي
انا عايزة اقوّي شخصيتي زيك بس طبعاً مش نصي راجل ونصي ست والعياذ بالله
اصل انا بعترف إني عبيطة وشخصيتي ضعيفة ومنقادة ومش واثقة بنفسي وبيضّحك عليا بسرعة
نفسي كدة اخلي الناس هي اللي تمشي ورايا مش انا اللي امشي وراهم
Post a Comment